NEOBLOG de SEBAS ANXO

2008-10-11T18:14:00.004+01:00

Polo de agora deixamos as prácticas. espero millorar. Ok

Déixovos con outra ilustración, esta vez de Gabriel Pacheco....chao!

2008-10-11T18:11:00.001+01:00

esta é a dirección do seu blog: http://martaria.blogspot.com/

2008-10-11T18:05:00.003+01:00

Está claro. Cada vez que fago algo novo vou aprendendo.

Agora vouvos poñer unhas imaxes e unha dirección tamén interesantes.

Trátase duns debuxos dunha colega que é unha ilustradora magnífica.

Chámase Marta Álvarez e vai camiño de ser unha das ilustrísimas nesto do debuxo

A ver que vos parece a súa obra e a súa páxina.

2008-10-11T17:38:00.011+01:00

Ola, estou aquí de novo retocando un pouco o blog. Como sei algunhas cousas máis pois nada, mandeimo facer así. Por agora unha das cousas que estou facendo é a recompilación de direccións que para que poidades ver páxinas que están xeniais.

O outro día estiven mirando esta páxina que flipei por colores da cantidade de boas cousas que contén. http://blog.educastur.es/luciaag/.

É dunha profesora de Asturias da materia de Plástica.

A verdade é que eu estou utilizando algunhas das cousas que aparecen nesta páxina e que te leva a outras, para o instituto. Algúns dos enlaces levoume a un programa alucinante no que se estudia online as características dos músculos faciais e no que podes crear diferentes xestos. chamase ARTANATOMY e de verdade que é moi didáctico.

Esta é a páxina: http://www.artnatomia.net/es/artnatomy.html.

Algúns cadros da exposición de Espacio 48

2007-11-03T20:12:00.000+01:00

"d-olor 4"- mixta s/papel

"d-olor 1"- mixta s/papel

" d-olor 11"- mixta s/papel

EXPOSICIÓN "OLOR D OLOR"

2007-11-03T20:06:00.000+01:00

O vindeiro xoves 8 de novembro ás 20 hrs inauguro na galería Espacio 48 de Santiago de Compostela a nova obra baixo o título "Olor d Olor".

Este é o texto que inclúo para a presentación:

"A Obra de Sebas Anxo ofrécenos, coa técnica do collage, paisaxes figurativas que se elevan dende o plano das relacións formais ao da poesía asociativa. Os anacos de papel, que proceden en moitos casos das súas obras, despois de se descartaren como lixo, enriquecidos de signos, números, letras e trazos, reflicten as tensións de acontecementos inverosímiles con personaxes grotescos e criaturas figuradas. A obra nace como avaliación artística dos seus elementos. Unha das actuacións do pintor é a de reordear o caos provocado con anterioridade.
Sobre paisaxes cheas de matices, os retallos cambian no cadro progresivamente de sentido e vanse integrando na obra pausadamente, xustapostos, fundidos, adquirindo novos significados na súa configuración, nunha espiral de autoenriquecemento.
Os cadros de Sebas Anxo sobrepasan o eclecticismo indiscriminado para ser un reflexo do estoupido de posibilidades da realidade. O cadro é idea reguladora na desesperada loita pola transformación, co obxectivo último do artista, a liberdade e a felicidade."

Exposición de Pintura na Galería Clérigos (Lugo)

2007-01-29T12:19:00.000+01:00

Nestes días invítovos a que pasedes pola galería onde teño o meu derradeiro traballo. Son 25 pezas, a maioría de pequeno formato que teñen en común a cor en contraste, e unhas imaxes que percorren a fronteira entre unha figuración expresionista ou ás veces dadá e unha abstracción lírica. A técnica é mixta sobre papel e sobre táboa.
O que máis me interesa neste momento é o xogo simbólico do representado pois as figuras ás veces insinuadas, teñen por sí mesmas contido narrativo, sempre suxerido, aberto.
Agardo que vos guste.
sebas anxo